LUMIPAT sa Indianapolis ang NBA Finals na magkabuhol sa 1-1, pagkatapos ng Game 3, abante na muli ang Indiana Pacers 2-1.
Dating gawi si Tyrese Haliburton pero nag-deliver ang bench ng Indiana sa pangunguna ni Bennedict Mathurin at nag-rally muli ang Pacers sa fourth quarter para sa kumbinsidong 116-107 win laban sa Oklahoma City Thunder Miyerkoles ng gabi.
Umiskor ng 27 si Mathurin, tumapos ng 22 points, 9 rebounds 11 assists si Haliburton.
Solo-katawan na na-outscore ni Mathurin ang buong bench ng OKC. Overall, kinain ng Pacers reserves ang counterparts 49-18.
Epektibong 9 of 12 mula sa field at 7 of 8 sa free throws si Mathurin.
May 21 points si Pascal Siakam, umayuda ng 10 points, 5 assists, 5 steals si reserve TJ McConnell.
Dalawang buckets ang inilista ni McConnell sa kaagahan ng fourth na pumagitna sa kanyang steal sa inbounds pass ng Thunder.
“So many different guys chipped in,” bida ni Haliburton, 4 for 8 sa 3-point range.
Giniyahan ng 26 points ni Jalen Williams ang Thunder, may 24 si MVP Shai Gilgeous-Alexander at 20 si Chet Holmgren.
Abante pa ng lima ang Oklahoma City pagkatapos ng first 36 minutes pero na-outscore sa final 12, 32-18.
“we had a lot of good stretches of the game,” suma ni OKC coach Mark Daigneault. “But they had more good stretches than we did – and outplayed us over the course of 48 minutes.”
Game 4 sa Sabado (araw sa Manila) sa Indiana pa rin. (Vladi Eduarte)
